Parlamenti Evropian dhe presidenca e Këshillit arritën një marrëveshje të përkohshme për krijimin e lehtësive për tekstin e vendimit për planin e BE-së për rritje ekonomike në Ballkanin Perëndimor. Lehtësitë në kuadër të këtij plani do të jenë në fuqi deri në vitin 2027 dhe ky plan, pritet të ofrojë deri në 2 miliardë euro grante dhe 4 miliardë euro kredi për partnerët e BE-së në Ballkanin Perëndimor. Ai do të plotësojë Instrumentin ekzistues për Asistencën e Para-Aderimit (IPA III), duke rritur ndjeshëm ndihmën financiare për partnerët në rajon.
Negociatat ndërmjet këtyre dy institucioneve të BE-së u zhvilluan nën një presion të madh kohor.
Për miratimin formal të këtij plani duhet të votojë edhe Parlamenti Evropian, para se të shpërbëhet në prag të zgjedhjeve të reja në qershor.
Nëse plani dështon të votohet deri atëherë, ai do t’i mbetet në dorë përbërjes së re të Parlamentit Evropian. Sipas marrëveshjes, vendet e rajonit për të përfituar nga kjo paketë e ndihmës financiare duhet t’i përmbushin një varg kriteresh që kanë të bëjnë me sundimin e ligjit, respektimin e parimeve të demokracisë, reformat institucionale dhe ndërmarrja e hapave të domosdoshëm për të garantuar se paratë nuk do të keqpërdoren.
Për Kosovën dhe Serbinë parakusht tjetër do të jetë angazhimi konstruktiv në normalizimin e marrëdhënieve mes tyre me qëllim të zbatimit të plotë të obligimeve përkatëse që dalin nga Marrëveshja për rrugën drejt normalizimit të marrëdhënieve dhe Aneksit për zbatimin, që u arritën një vit më parë.
Ministri i Ekonomisë Blendi Gonxhe ka reaguar në lidhje me miratimin e marrëveshjes së përkohshme që i jep dritën jeshile Planit të Rritjes për Ballkanin Perëndimor.
‘Lajm emocionues! Hapa të mëdhenj përpara në angazhimin e BE-së ndaj Ballkanit Perëndimor!
Presidenca e Këshillit Evropian dhe Parlamenti Evropian kanë miratuar marrëveshjen e përkohshme, që i jep dritën jeshile Planit të Rritjes për Ballkanin Perëndimor! Ky vendim shënon një moment historik në rrugëtimin e vendeve të Ballkanit drejt anëtarësimit në BE. Marrëveshja parashikon një investim prej 6 miliardë eurosh nga BE, që do të nxisë rritjen ekonomike në të gjithë rajonin, për të kapërcyer hendekun në standardet e jetesës midis Ballkanit dhe BE-së.
Por ka edhe më shumë! Premtimi i BE-së për të përshpejtuar integrimin e vendeve të Ballkanit Perëndimor në Tregun Unik dhe mbështetja për forcimin e Tregut të Përbashkët Rajonal, hap rrugën për perspektivën e lëvizjes së lirë të mallrave, shërbimeve dhe forcës punëtore, nxitjes së tregut të përbashkët digjital, liberalizimit të transportit dhe integrimit në zinxhirët e furnizimit industrial.
Kjo arritje nuk do të ishte e mundur pa përkushtimin dhe punën e palodhur të shumë agjencive dhe institucioneve publike. Ata meritojnë mirënjohjen tonë maksimale për realizimin e këtij momenti historik.’- shkruan Gonxhe.
Një lajm të fantastik e quajti ambasadori i BE-së, Silvio Gonzato marrëveshjen për planin e përkohshëm të rritjes për Ballkanin Perëndimor që u arrit në Bruksel dhe do të miratohet në mbledhjen e fundit të Parlamentit Europian para se të shpërbëhet. Plani parashikon 6 miliardë euro për fuqizimin e ekonomive të vendeve të rajonit.
“Kjo paketë është një shtysë e madhe për integrimin e Shqipërisë në BE. Do të hapë mundësi të reja për popullin shqiptar dhe vendet e tjera të Ballkanit Perëndimor përpara anëtarësimit” shkruan Gonzato në një postim në rrjetin social X
Great news!
— Silvio Gonzato (@EUAmbAL) April 4, 2024
Today the Council presidency & @Europarl_EN have reached an agreement on the €6B EU #GrowthPlan for the #WesternBalkans.This package is a huge boost for Albania’s????????membership. It will open up new opportunities for people from????????& other #WB countries before accession. pic.twitter.com/MvIMb942TY
Lajme të tjera
-
Europa dyfishon blerjen e armëve, shtetet që kanë shitur më shumë SHBA-ja dhe Franca
11 Mars, 15:32 -
Mero Baze: NATO nuk mund të ruajë Shqipërinë dhe Kosovën nga shqiptarët antiperëndimorë
4 Mars, 21:08
-
Programi i Ndërkombëtarizimit, Rama: Mbështetëm universitetin 'Aleksandër Moisiu' për ngritjen e Laboratorit të Studimeve Europiane
25 Janar, 19:43 -
OBSH: 1.4 milionë jetë të shpëtuara në Evropë nga vaksinat kundër COVID-19
20 Janar, 20:14 -
A është Evropa gati për kthimin e mundshëm të ish-presidentit Trump në Shtëpinë e Bardhë
20 Janar, 17:11 -
Droga e të varfërve/ Çfarë është kaptagon dhe nga vjen? Rrezikon përhapjen edhe në Evropë
26 Dhjetor 2023, 15:26 -
Erdogani akuzon Perëndimin për “barbarizëm” dhe islamofobi në luftën në Gazë
9 Dhjetor 2023, 16:24 -
Stuhia ‘Ciaran’ ‘nënshtron’ Europën, shënohen 7 viktima, vendet europiane mbyllin shkollat
2 Nëntor 2023, 19:53 -
Rreth 16.500 shqiptarë kërkuan azil në Europë dhe Britani 6 muajt e parë të vitit 2023
6 Shtator 2023, 16:48 -
Romano Prodi sulmon Francën: S’e kam kuptuar kurrë pse bllokonte negociatat me Shqipërinë
27 Gusht 2023, 13:50 -
Europa pushtohet nga i nxehti, priten temperatura ekstreme! Vala do prekë edhe Ballkanin! Termometri pritet të arrijë 48 gradë celsius në Sardenjë
16 Korrik 2023, 07:38 -
Europa e rrezikuar nga kalimi i kokainës me nëndetëse, trafikantët e drogës e përdorin këtë metodë prej 20 vitesh
21 Prill 2023, 15:22
